Kyu Akela Paata Hu…??
*Kitne saare mere dost saath hai,
Par pata nahi kyu…main khud ko akela paata hu;
*Sab hai tyaar saath dene ko agar koi baat hai,
Par pata nahi kyu…main kisi ka saath hi nahi chahta hu!
*Dil kehta hai kyu na main sabke saath rahu,
Doosro ki tarah kyu na ek doosre se dil ki baat kahu;
*Bahut koshish ki dil ki baat sunne ki,
Par kya karu…khud se kehta hu ki main apni tanhaaee ke saath rahu!
*Kabhi kabhi maine socha ki choddke iss akelepan ko,
Main khushiyaan manata hu:
*Ab fir kabhi na udhaas ya akela hokar,
Main bhi hassi ki galiyon main ghoom aata hu!
*Ek din jab fir tha akela, to khud se kaha…
ki kyu na apni mushkil suljhata;
*Tab jaake pata laga mujhe, ki log to door ki baat hai…
Main khud khudko na samajh paata hu!
*Jab hota yeh ehsaas, ki main kyu akela ho jaata hu;
*Tab nazar aata…ki kisiko meri zaroorat nahi,
to main kyu unka apna kehlaata hu!
*Kabhi sadiyo mein ek baar khushiyo ki phoolo mein mehakta hu;
Magar yaad aata…main iss kaabil nahi,
aur khudko sabse peechhe khada dekhta hu!
*Jab meri wajah se koi hota hai khush,
Tab khushi ka ehsaas hota hai;
*Varna akelepan mein rehte-rehte…main to bhool hi gaya tha,
ki khushi ka matlab kya hota hai!
*Kehte hai khushiyan baatne se badti hai,
Par mere paas khushiyan hi nahi…to baatoo kya;
*Haa…mere paas gham bahut hai,
Samajh nahi aata ki…chhatoo to chhatoo kya!
*Dil kehta hai mujhe…ki dil ki baat doston se kyu nahi kehta hu,
Unke beech rehkar main khoya kyu rehta hu;
*Magar iss dil ko kya bataoo, ki main khud khud se yahi kehta hu,
Main bheed mein bhi…akela rehta hu!
*Khushiyon ke beech rehkar bhi…ghamo ke haatho kyu bikta hu;
Jab main hu hi akela…to logo ko bheed mein kyu dikhta hu!
*Main to ab yahi kahunga ki…socha tha ki,
chalo sabke dilo mein jagah banata hu;
*Par aaj khud hi ko…apne dil mein naa paata hu,
Main khud ko Kyu Akela Pata Hu…!!
